recitata da Antonio Biuso

Chianciunu li picciriddi na li panzi di li matri.

Acidduzzi senza terra e senza celu.

Scantati da la sorti ca li voli pastu e saziu di lu cacciaturi.

E vui, omu di stu munnu, mutu e accantunatu, talii cu sgumentu li svinturi di sti ciatuzzi, di sti criaturi.

Firmamuli sti manu maliditti, ca tingiunu di sangu li jurnati, e di vuci e di chianti dispirati.

Non ti frastonna e non ti maravigghia, picchi pensi ca è sulu a so la svintura e non tocca lu to bonu stari.

Ma ti sbagghi, beddu miu!

Chiddu ca oggi è ferru e focu na la via, cu lu tempu ti atturcigghia puru a tia.

No stari arrizzittatu, frati miu,

ca dumani li to figghi e lu to sangu non ciabbasta ne vuci ne lamento pi lu troppu scantu.

E ti lu dicu cu lu cori apertu, la curpa è anche to, amicu caru, su ju ristai na la panza di me matri e non nascii!

di Pasquale Musarra, audio e video di Antonio Biuso
https://www.youtube.com/watch?v=CNDiyVJ5k3w

Zavvo Nicolosi, regista delle clip e del film di Colapesce e Dimartino, ha creato questo video per “Vuci di picciriddi” di Lino Musarra letta da Antonio Biuso.

https://www.facebook.com/antonio.biuso/videos/1321243982690467/